Seksyon Sezaryèn (C-Section)

Yon sezaryèn (C-Section) se yon tip operasyon. Se fè yon ti bebe fèt gras ak yon ensizyon nan vant maman l. Yo ka planifye epi pwograme yon sezaryèn. Men nan plizyè ka, li pa yon bagay ki planifye. Nan tout ka yo, se veye pou bebe w la gen yon nesans ki pi asire ke posib. 

Anvan pwosedi a

Y ap ba w antibyotik. Sa se pou redui tout risk enfeksyon. Pifò nan sezaryèn yo dire mwens pase 1è. Ekip swen sante w la ap okipe yo de ou ak nouvo ne w la. Patnè w la ka prezan lè akouchman an.

Pandan pwosedi a

Operasyon an ap kòmanse apre yo fin ba w anestezi. W ap gen yon anestezi rejyonal oswa jeneral. Rejyonal la angoudi anba tay ou. Jeneral la fò w dòmi. Yo fè ensizyon nan po w ak nan matris ou. 2 ensizyon sa yo ka diferan. Asire w ke yo note nan dosye medikal ou yo. Men kòman yo ka varye:

• Ensizyon po a. Ensizyon sa fèt anjeneral soti nan yon kote al nan yon lòt). Yo konnen sa sou non tranvèsalite. Li fèt nan nivo liy cheve pibyen yo. Yo ka itilize yon ensizyon ki soti anwo pou desann anba (vètikal) si w te deja gen yon ensizyon anvan. Yo ka itilize l tou si sezaryèn nan dwe fèt rapid.

• Ensizyon matris la. Li pi souvan transvèsal. Tip sa geri byen anpil. Li ka pèmèt ou gen yon pwochen akouchman pa vwa vajinal (VBAC an anglè). Nan kèk ka yon ensizyon vètikal ka pratike alaplas. 

Depi yo fin fè ensizyon yo, founisè swen sante a apiye sou pati siperyè matris la. Yo gide bebe a atravè ensizyon yo. Y ap sere epi koupe kòd lonbrit la. Apre sa yo retire plasennta nan ensizyon an.

Kote ki posib pou yon ensizyon po transavèsal oswa yon ensizyon po vètikal

Aprè pwosedi a

Lè bebe w la fin fèt, yo koud ensizyon matris la. Y ap fèmen ensizyon po w la ak agraf oubyen kouti chirijikal. Y ap met yon pansman sou li. Founisè swen sante ou a ap peze vant ou. Sa ap ede boul san yo soti nan vajen an. Yo ka ba ou medikaman. Yo la pou ede matris ou retresi. Yo ka diminye san w ap bay yo.

Swen bebe w la lèl fin fèt

Y ap met bebe w la nan kouvez. Y ap itilize yon aspirasyon dous pou yo ede elimine likid anplis nan bouch ak nan vwa respiratwa bebe w la. Apre tès APGAR la ap fèt. To sa se to yon bebe:

• Aparans (koulè po ki endike yon sikilasyon sangen ki sen)

• Poulp (frekans kadyak)

• Grimas (reflèks miskilè)

• Aktivite (tonis miskilè)

• Respirasyon

Y ap vlope bebe w la nan yon dra epi y ap mennen l ba ou. Kounya, ou pral wè bebe w la pou premye fwa.

Risk yon sezaryèn

Menm jan ak tout operasyon, yon sezaryèn gen risk. Founisè swen sante w la ap pale de risk yo avè w. Pami yo ka genyen:

• Bay san

• Enfeksyon

• Ògàn ki tou pre yo ka sibi domaj

• Kayo san nan pye w, basen w oswa poumon w

• Reyaksyon ak anestezi a