Operasyon sa Paa: Degenerative Joint Disease

Ang degenerative joint disease (arthritis) ay madalas na nangyayari sa kasukasuan ng malaking daliri sa paa. Ang pagtubo ng buto ay maaaring maging sanhi ng pananakit at paninigas sa kasukasuan. Kapag hindi ito nalunasan, maaaring durugin ng arthritis ang kartilago at sirain ang kasukasuan. Ang mga opsyon sa paggamot ay depende sa kung gaano ang pinsala ng iyong kasukasuan.

Cheilectomy

Ito ay ginagawa kapag ang kasukasuan na may arthritis at kartilago ay maaari pang iligtas. Ang tumubong buto na dulot ng arthritis ay pinuputol. Kakailanganin mong magsuot ng surgical na sapatos ng ilang linggo. Kapag gumaling na ang paa, ang paggalaw ng kasukasuan ay muling babalik.

Fusion

Sa fusion, ang kartilago at ilang buto sa parehong panig ng kasukasuan ay tinatanggal. Pagkatapos, ang malaking daliri sa paa at metatarsals na mga buto ay pinagsasama ng staples o turnilyo. Ang iyong paa ay maaaring ilagay sa isang cast. Habang ikaw ay nagpapagaling, ikaw ay papakiusapang wag maglalagay ng timbang sa iyong paa. Maaari mo ring kailanganin ng saklay ng ilang linggo. Dahil tinanggal ang kasukasuan, ang iyong daliri ay hindi masyadong mababaluktot.

Arthroplasty

Sa operasyon, ang tumubong buto na dulot ng arthritis ay pinuputol, at ang bahagi ng kasukasuan ay tinatanggal. Isang pin ang maaaring gamitin upang ituwid ang mga buto at pigilan sila sa pagdidikit. Ang pin ay tatanggalin pagkatapos ng ilang linggo. Sa ibang mga pagkakataon, ang buong kasukasuan ay maaaring palitan ng implant. Maaaring kailanganin mong magsuot ng splint o surgical na sapatos ng ilang linggo. Kapag gumaling, ang mga buto ay magiging konektado ng scar tissue.